About Us

သာသနာပြု ကုသိုလ်
 
 
စရထ ဘိက္ခဝေ စာရိကံ ဗဟုဇနဟိတာယ
ဗဟုဇနသုခါယ အတ္ထာ ဟိတာယ သုခါယ
ဒေ၀မနုဿာနံ။
 
ရဟန်းတို့၊ လူသားများစွာ၏ ကောင်းကျိုးချမ်းသာ
နတ်လူတို့ အကျိုးစီးပွါးနှင့် ငြိမ်းချမ်းမူအတွက်
ခရီးဒေသစာရီကြွချီကြလော့။
 
 
ဗုဒ္ဓရှင်တော်မြတ်သည် ဘီစီ ၅၈၈တွင် ဗုဒ္ဓအဖြစ်သို့ရောက်တော်မူလျှက်
ဗာရာဏသီမြို့အနီး မိဂဒါဝုန်အရပ်၌ ပထမ၀ါကျွတ်ပြီးသောအခါ ရဟန္တာ
ခြောက်ကျိပ်အား အထက်ပါအတိုင်း မြွှတ်ကြား၍ သာသနာပြုလုပ်ငန်းကို
စတင်တော်မူခဲ့သည်။
 
ဘီစီ ၂၃၅ တွင် သီရိဓမ္မအသောက မင်းကြီးသည် တတိယသံဂါယနာ
တင်ပြီးနောက် ရဟန္တာမထေကြီးများအား ကိုးတိုင်းကိုးဌာနသို့ သာသနာပြု
စေလွှတ်ခဲ့သဖြင့် ဗုဒ္ဓသာသနာသည် ကမ္ဘာအရပ်ရပ်သို့ ပျံ့နှံ့သွားခဲ့ပြီး
ယနေ့တိုင် ပျံ့နှံ့ဆဲလည်းဖြစ်သည်။ မင်းကြီး၏ လုပ်ဆောင်ချက်များကား
ကမ္ဘာ့သမိုင်း၌ အံ့ဖွယ် စံနမူနာတစ်ရပ်အဖြစ် ယနေ့တိုင်တွေ့မြင်ရဆဲဖြစ်သည်။
 
ယင်းအစဉ်အလာကို အတုယူလိုက်နာပြီး သာသနာပြုသူတော်စင် ရဟန်းရှင်
လူအများသည် နှောင်းခေတ်အဆက်ဆက်တွင် ကြိုးစား၍ဆောင်ရွက်ခဲ့ကြ
သဖြင့် ဗုဒ္ဓသာသနာတော်သည် နှစ်ပေါင်းနှစ်ထောင့်ငါးရာ ကျော်ခဲ့သည့်တိုင်
ရှင်သန်နေဆဲဖြစ်ကြောင်း နားလည်နိုင်သည်။ ရှေးခေတ် သူတော်ကောင်းတို့၏
ကောင်းမြတ်သော အစဉ်အလာကို လိုက်နာကျင့်သုံးရမည်မှာ မျက်မှောက်ခေတ်
သာသနာမျိုးဆက်သစ်တို့၏ တာဝန်ဖြစ်ချေသည်။
 
အသောကမင်းကြီး၏ သတ္တမမြောက်ကျောက်စာတွင် “ ဆဗေ ဟိ တေ ဆံယမံစ
ဘ၀ဆုဓိံဣဆံတိ ( ဟိ၊မှန်၏။ ဆဗေ၊အလုံးစုံကုန်သော။ တေ၊ထိုအယူဝါဒများသည်။
ဆံယမံစ၊ကိုယ်ကျင့်သိက္ခာ စောင့်စည်းခြင်းကို လည်းကောင်း။ ဘ၀ဆုဓိံစ၊ပစ္စုပ္ပန်ဘ၀၏
စင်ကြည်မြင့်မြတ်ခြင်းကိုလည်းကောင်း။ ဣဆံတိ၊အလိုရှိကြကုန်၏)ဟု ဖော်ပြသည့်အတိုင်း
ပင် ဗုဒ္ဓတရားတော်၏ရည်ရွယ်ချက်မှာ မိမိတို့၏ ကိုယ်ကျင့်သိက္ခာကို မြင့်မားအောင်ထိမ်းသိမ်း
စောင့်ရှောက်ရန်နှင့် မိမိတို့ ပစ္စုပ္ပန်ဘ၀၏ စင်ကြယ်မြင့်မြတ်မူကို တန်ဖိုးထားရန်ဖြစ်သည်။
 
ဗုဒ္ဓသာသနာတော်သည် ယင်းသို့ ထူးခြားမြင့်မြတ်သော သဘောထားခံယူချက်နှင့်ပြည့်စုံသဖြင့်
လူမျိုးဇာတ် အသားရောင် ကျားမ၊ကြီးငယ် ဆင်းရဲချမ်းသာ မခွဲခြားဘဲ ကိုးကွယ်ဆည်းကပ်နိုင်သော
ဘာသာတရားဖြစ်သည်။ လိုက်နာကျင့်ကြံသူများအား လောကီလောကုတ္တရာ ပစ္စုပ္ပန်သံသရာ
နှစ်ဖြာသောကောင်းကျိုးကို ပေးစွမ်းနိုင်သည့် လက်တွေ့ကျသော ဘာသာတရားလည်းဖြစ်သည်။
 
ဗုဒ္ဓသာသနာပြုအဖွဲ့ကြီးအနေဖြင့် ဗုဒ္ဓသာသနာတော်အား တစ်ကိုယ်ရေငြိမ်းချမ်းရေးမှသည်
ကမ္ဘာငြိမ်းချမ်းရေးဆီသို့ ဦးဆောင်နိုင်သော လမ်းညွှန်အဆုံးအမ ဘာသာတရားအဖြစ် ယုံကြည်
သည်။ ယင်းယုံကြည်ချက်အတိုင်း ဤမြင့်မြတ်သော သာသနာပြုလုပ်ငန်းများကို ဆက်လက်
ဆောင်ရွက်နိ်ုင်ရန် ဗုဒ္ဓသာသနာပြုအဖွဲ့ (နယူးယောက်) Buddhist Missionary Society (New York)
ကို သက္ကရာဇ် ၂၀၀၂ ခုနှစ်တွင် စတင်ဖွဲ့စည်းကာ ဗုဒ္ဓသာသနာ ပြန့်ပွားရေးအတွက် ဆရာဒကာ
လက်တွဲပြီး သာသနာပြုလုပ်ငန်းကို အစဉ်တစိုက် ဆောင်ရွက်လျက်ရှိပါသည်။
 
သို့ဖြစ်လေရာ ဗုဒ္ဓသာသနာတော် ထွန်းကား ပြန့်ပွားရေးကိုကျယ်ပြန့်စွာဆောင်ရွက်နိုင်ရန်
နယူးယောက်မြို့တွင် သာသနာပြုအဆောက်အအုံ (ကျောင်း) တစ်ဆောင် တည်ထောင်
ထားလျက်ရှိပါသည်။ ဗုဒ္ဓသာသနာဝင် သူတော်စင်များအနေဖြင့် ဤမွန်မြတ်သည့် ကြိုးပမ်းမှုတွင် ကာယ ညာဏ သဒ္ဓါတရား စွမ်းအားများဖြင့် ပူးပေါင်းပါဝင်ကြပါရန် အလေးအနက်
နိူးဆော်အပ်ပါသည်၊
 
 
ဗုဒ္ဓသာသနာပြုအဖွဲ့၊ နယူးယောက်မြို့
 
Buddhist Missionary Society
10324 34th Ave
Corona, NY 11368
(718) 898-8274
Email:bmsnewyork@gmail.com
www.bmsny.org
 
 
 
 
 
 
 

Ashin Nayaka

Ashin Nayaka

E-mail: nayakaus@yahoo.com

Phone: +1 718 8988274

Print Print | Sitemap
© www.bmsny.org